09.12.01  Tilkynning til kornbænda! Rannsóknastofnun landbúnaðarins og Landssamband kornbænda bjóða bændum sáðkorn af íslenska bygginu Súlu vorið 2002. Landssamband kornbænda hefur umsjón með ræktuninni eins og fyrri ár.
Kornbændur sem vilja panta sáðkorn eru beðnir um að snúa sér til innflutningsaðila sem fyrst og í síðasta lagi fyrir áramót.

 05.12.01  Gagnagrunnur í hrossarækt   Næsta fræðsluerindi Rannsóknastofnunar landbúnaðarins  verður   haldið  á morgun fimmtudaginn 6. des. kl. 10 f.h  Ágúst Sigurðsson í Kirkjubæ mun í erindi sínu fjalla um gagnagrunna hrossaræktarinnar og gefa yfirlit um þær rannsóknir sem gerðar hafa verið á seinustu árum og byggjast á upplýsingum sem þar er safnað. Af viðfangsefnum má nefna rannsóknir sem lúta að litaarfgerðum, fjölþjóða kynbótamat, skyldleika innan hrossastofnsins, mæðraáhrif, eiginleika á undirliggjandi skala ofl. Farið verður yfir þá þætti sem skráðir eru í grunnana og gætu nýtst til frekari rannsókna, einkum á sviði erfða- og kynbótafræði. Ágúst Sigurðsson er  hrossaræktarráðunautur hjá BÍ. Erindið verður haldið í fundarsal Rala á Keldnaholti, 3. hæð. 

28.11.01    Ný grein um jarðveg auðna á Íslandi.

Í nýjasta hefti tímarits bandaríska jarðvegsfræðifélagsins (Soil Science Society of America Journal) er grein eftir Ólaf Arnalds og John Kimble.  Greinin ber heitið „Andisols of Deserts in Iceland“.  Greinin fjallar myndun og einkenni jarðvegs á íslenskum auðnum, þ.a.m. flokkun hans, byggt á 8 sniðum sem tekin voru víðsvegar um landið.

Í greininni er bent á hve íslenskur jarðvegur auðna er sérstakur á heimsvísu.  Þessi jarðvegur ber öll einkenni eldfjallajarðar (Andisol), enda þótt hann teljist ungur og lítið þróaður.  Nú er að koma í ljós að á Íslandi er að finna >5% eldfjallajarðvegs á jörðinni.

26.11.01 Komdu og skoðaðu........  Í dag var kynntur nýr vefur á vegum Námsgagnastofnunar.  Þessi vefur, sem er hluti námsefninu Komdu og skoðaðu, er unninn í samvinnu við níu rannsóknastofnanir og styrktur af Rannís. Stofnanirnar eru Hafrannsóknastofnunin, Iðntæknistofnun, Náttúrufræðistofnun,Orkustofnun, Rannsóknastofnun landbúnaðarins, Rannsóknastofnun byggingariðnaðarins, Rannsóknastofnun fiskiðnaðarins, Veðurstofa Íslands og Veiðimálastofnun.Sjá nánar hér ...

Hollustan reiknuð á Netinu Nú geta allir, sem hafa aðgang að Netinu, reiknað næringarefnin í matnum sem þeir borða og metið hollustu eigin fæðis. Matarvefurinn.is opnar nýja möguleika jafnt fyrir fyrir almenning og skólafólk að fylgjast með hollustu eigin mataræðis og fræðast um næringargildi fæðunnar. Vefurinn kemur sér einnig vel fyrir sykursjúka, íþróttafólk og aðra sem þurfa af einhverjum ástæðum að fylgjast vel með mataræðinu. Eins getur starfsfólk í matvælaiðnaði nýtt sér vefinn. Sjá nánar hér.....

Fjórða aðalráðstefna Samtaka um landbúnað á Norðurslóðum (CAA) Aðalráðstefna Samtaka um landbúnað á Norðurslóðum (Circumpolar Agricultural Association: CAA), var haldin 27.-29. ágúst 2001 á Akureyri á vegum Rannsóknastofnunar landbúnaðarins, Stofnunar Vilhjálms Stefánssonar, og fleiri aðila innan nýstofnaðrar Íslandsdeildar CAA. Ráðstefnan  á Akureyri bar heitið Legacy and Vision in Northern Agriculture og var ætlað að beina athygli að samspili sögu og menningar við undirstöðu landbúnaðarins og þeim möguleikum til sóknar á nýrri öld sem í því felst. Sjá nánar á vefsíðu ráðstefnunar http:www.svs.is/caa/2001/

Aþjóðleg fiskeldiráðstefna haldin á Íslandi. - 16. ágúst var haldin  ráðstefna á vegum COST 827 verkefnis Evrópusambandsins um áhrif umhverfis, samkeppni, fóðrunartækni, lífeðlisfræði og efnasamsetningar fóðurs á át fiska. Ráðstefnan er haldinn í Odda í Háskóla Íslands og stóðu Rannsóknastofnun landbúnaðarins, Háskóli Íslands og Hólaskóli að skipulagi hennar. 

09.08.01 
Fundur um landbúnaðarbyggingar á norðurslóð
Nýverið kom saman hópur á vegum NKJ (Nordisk kontaktorgan for jordbruksforskning) sem fjallar um sértæk vandamál landbúnaðarbygginga á norðurslóð. Fundurinn var haldinn í húsakynnum RALA í Reykjavík og á Hvanneyri. Þáttakendur voru frá Finnlandi, Noregi, Íslandi og Svíþjóð. Þorsteinn Tómasson forstjóri RALA hafði forgöngu um að koma þessu starfi á og auk tveggja fulltrúa frá RALA tóku aðilar frá Byggingaþjónustu BÍ, Lánasjóði landbúnaðarins og Landbúnaðarháskólanum þátt í fundinum. Sjá nánar hér..

09.07.01 Kornrækt á nýrri öld.  Ráðstefna í Skagafirði 8. júní 2001: Erindi frá ráðstefnunni er að finna hér.

28.06.01 100 ára afmæli samfelldra jarðræktarrannsókna á Íslandi. Þann 21. júní s.l. var þess minnst að 100 ár eru liðin frá því að samfelldar tilraunir í jarðrækt hófust hér á landi.  Alþingi veitti fé til Gróðrarstöðvarinnar í Reykjavík 1900-1901 og vorið 1901 var þar sáð í tilraunareiti undir handleiðslu Einars Helgasonar.  Stöðin var rekin af Búnaðarfélagi Íslands.  Varð þetta upphaf samfelldrar tilraunastarfsemi í jarðrækt sem síðan hefur verið sinnt víða um land, fyrst á vegum Búnaðarfélags Íslands og fleiri aðila. Seinna varð til Tilraunaráð jarðræktar sem sameinaðist Atvinnudeild Háskólans er Rannsóknastofnun landbúnaðarins var stofnuð 1965.Sjá myndir hér.....

12.06.01                                                                                                                                                                   Fulltrúar Landsstjórnar Færeyja heimsækja RALA. Bjarni Djurholm, landbúnaðarráðherra Færeyja heimsótti RALA 7. júní ásamt Arne Poulsen frá færeysku landsstjórninni. Sjá frétt...

02.06.2001
Fundur um efnagreiningar og tengt efni verður haldinn í lok ágúst á vegum skorar XIII innan NJF. Efni fundarins snýr að ýmsum þáttum efnagreininga fyrir landbúnað frá jarðvegi til fæðu. Áhersla er lögð á gildi óbeinna mælinga auk mælinga tengdum mengun og umhverfisþáttum. Sjá nánari upplýsingar um efni fundarins og skráningu á vef NJF www.njf.dk 

01.06.2001
10. alþjóðlega lúpínuráðstefnan, á Íslandi 2002. Hafinn er undirbúningur að alþjóðlegri ráðstefnu um lúpínur, sem haldin verður á Laugarvatni í júní 2002. Að undirbúningi ráðstefnunnar standa Rannsóknastofnun landbúnaðarins, Landgræðsla ríkisins, Rannsóknastöðin á Mógilsá og Náttúrufræðistofnun Íslands. Þeim sem kynnu að hafa áhuga á þátttöku í ráðstefnunni, er bent á heimasíðu hennar: www.rala.is/lupin  Tilkynna þarf um þátttöku fyrir 1. ágúst 2001.

14.05.2001
Samstarfssamningur undirritaður um sameiginlegan landbúnaðarvef
Á dögunum undirrituðu eftirfarandi stofnanir og samtök innan landbúnaðarins samstarfssamning um sameiginlegan landbúnaðarvef: Aðfangaeftirlitið, Bændasamtök Íslands, Landbúnaðarháskólinn á Hvanneyri, Lífeyrissjóður bænda, Rannsóknastofnun landbúnaðarins og Yfirkjötmat ríkisins. Sjá frétt ...

©1995-2000 Rannsóknastofnun landbúnaðarins

Eldri fréttir er að finna hér...

Fræðsluerindi Rannsóknastofnunar landbúnaðarins

Fjölrit RALA / Rala Report