| Á Suðvesturlandi er rof yfirleitt lítið, ef Krísuvíkursvæðið
og suðvesturhorn Reykja-nesskagans er undanskilið. Mjög hefur dregið úr jarðvegsrofi
eftir að sauðfé fækkaði og mörg rofsvæði hafa nú verið að fullu grædd af
bæjarfélögum og áhugamanna-samtökum. Hins vegar er hrossabeit farin að spilla landi
á höfuðborgarsvæðinu, ekki síst í Mosfellsbæ og á Kjalarnesi. Eins og áður hefur verið tekið fram segir mat á jarðvegsrofi lítið um
ástand gróðurs eða þróun gróðurfars. Reykjanesskaginn er gott dæmi um hvernig
gögn um rof ein og sér geta í sumum tilfellum verið villandi. Þar er víðast hvar
lítið rof, en gróðurinn er eigi að síður mjög rýr og í engu samræmi við það
gróðurfar sem þarna ætti að ríkja undir eðlilegum kringumstæðum. Gróðurmyndin,
sem unnin var af Landmælingum Íslands í samvinnu við RALA og LR með aðstoð
gervihnattamynda, vitnar um þetta rýra gróðurfar á Reykjanesskaga. |
