ROFDÍLAR (D)
 Rofdílar eru opin jarðvegssár í annars heilli gróðurþekju. Myndun þeirra
er oft tengd þúfum, en þúnakollur er hætt við rofi vegna vindálags og minna skjóls
af snjóalögum. Eftir að þeir opnast eiga roföfl greiða leið að jarðveginum.
Rofdílar gróa mjög hægt aftur og á hálendi getur það tekið aldir. Ástæðan er
m.a. ísnálar sem lyfta nýgræðingi og þéttur svörður sem gróður á erfitt
að festa rætur.
|
 Rofdílar hafa mikla útbreiðslu, þeir finnast nánast
alls staðar þar sem land er gróið. Algengasta rofeinkunnin er 2 (D2), um 18500 km2.
Land með rofeinkunn 3 er einnig nokkuð stórt, um 2700 km2 og telur m.a. ofbeitt
hrossabeitarhólf á láglendi og hálendissvæði. Rofdílar jukust mikið í
afréttarlandi á hinum köldu sumrum 1979 og 1983, en þá var beitarálag mun meira en
nú er. |
Aðferðin við að meta rof vegna rofdíla er einkum
miðuð við hlutdeild ógróins lands, en einnig er tekið tillit til hæðar og eðli
þúfnanna sem og ummerkja um flutning á jarðvegi. Rofeinkunnirnar D1 og D2 eru mjög
algengar.
Rofkvarði á ROFDÍLUM. |
Uppfært 13 May 2002 af EG
©Höfundaréttur Ólafur Arnalds, Rannsóknastofnun landbúnaðarins og Landgræðsla
ríkisins |
