 Rofdílar eru gríðarlega útbreiddir
um allt land (um 28 000 km2) enda er þá að
finna nánast hvarvetna í þýfðu, grónu þurrlendi. Rofílar eru aftur á móti
sjaldgæfir í votlendi og skóglendi. Sem betur fer er oftast um lágar rofeinkunnir að
ræða (1 og 2) en þó eru um 2700 km2 lands
sem teljast til rofdílasvæða með rofeinkunn 3. Vegna þess hve rofdílar eru algengir
væri æskilegt að geta gefið þeim nánari gaum en þar sem rannsóknir á rofdílum
eru af skornum skammti er þessi umfjöllun í styttra lagi.Rofdílar
eru glögg merki þess að gengið hafi verið of nærri gróðri, sérstaklega þegar
einkunnin er orðin 3 eða hærri. Athygli vekur að rofdílar með rofeinkunn 2 eru mjög
útbreiddir þar sem rof er talið minnst á landinu. Þetta gefur til kynna að land á
þessum svæðum sé viðkvæmt, líka á þeim svæðum sem eru vel gróin. Hugsanlega
má túlka þessar tölur sem svo að landið hafi verið ofsetið þegar fé var sem
flest og að það hafi ekki náð sér að fullu aftur. Vert er að hafa í huga að
rofdílar geta myndast á tiltölulega skömmum tíma en eru lengi að gróa saman aftur.
Myndun rofdíla felur í sér að gróðurhulan minnkar sem nemur rofsárunum.
Frumathuganir sýna að dæmi eru um að gróðurþekjan hafi minnkað um 50% í
beitarhólfum sem hafa verið ofbeitt lengi.
Sjá töflur
Skipting landsins eftir rofmyndum
og rofeinkunnum1 (tölur í km2)
Hlutfallsleg skipting landsins eftir rofeinkunn og rofmynd innan hverrar rofeinkunnar (%)1
á síðu um EINSTAKAR ROFMYNDIR, HEILDARYFIRLIT
Rof tengt gróðurlendi og
rof tengt auðnum (km2 og %).
á síðu um ROF TENGT GRÓÐURLENDI OG AUÐNUM |
