MELAR NIÐURSTÖÐUR, KVASIR

Jarðvegsrof á Íslandi

Eiginleg samfelld melasvæði eru um 6500 km2. Það eru þau svæði sem kortlögð voru sem melar með rofeinkunn 3. Þetta er mun minni útbreiðsla en ætla mætti í fyrstu. Hafa verður í huga að sendnir melar eru undanskildir en þeir eru víðlendari (>13 000 km2 með rofeinkunn 3, 4 og 5). Heildarflatarmál mela innan um gróið land, eða þar sem melar eru að gróa upp (melar með rofeinkunn 1 og 2), vekur athygli en þeir eru samtals um 18 500 km2. Þar sem þessi svæði eru á láglendi er auðvelt að græða þau upp, hvort heldur með beitargróðri eða skógi þar sem það á við. Mikil útbreiðsla mela með lága rofeinkunn á svæðum sem annars eru talin vel gróin og þar sem rof er lítið gefur til kynna hve landið er viðkvæmt. Rof hefur í eina tíð verið meira og valdið myndun þessara mela, ellegar að það fari nú vaxandi.

Sjá töflur
Skipting landsins eftir rofmyndum og rofeinkunnum1 (tölur í km²)
Hlutfallsleg skipting landsins eftir rofeinkunn og rofmynd innan hverrar rofeinkunnar (%)¹
á síðu um EINSTAKAR ROFMYNDIR, HEILDARYFIRLIT

Rof tengt gróðurlendi og rof tengt auðnum (km2 og %).
á síðu um ROF TENGT GRÓÐURLENDI OG AUÐNUM

Myndir